دروس تعلم وحفظ القران الكريم للصغار والكبار

Sheikh Omar is simply the best. He is amazing with kids specially when he's telling them the Stories of the Prophets (Qisas Alanbiya). My daughter impatiently awaits her weekly lessons with him.

افضل اختيار لابني عمر اني الحقته بدرس القرأن الاسبوعي مع الشيخ عمر شلبي و هو سنه ٤ سنين و نصف لحد موصل ١٣ سنة و هو مرتبط جدا بالشيخ عمر لان الولاد بيتعلقوا بيه جدا و طريقته المميزة في توصيل اي معلومة عن الدين ب ابسط طريقة ..مش بس حفظوا القرآن معاه دول اتعلموا كل ما يخص الدين و المعاملة و حسن الخلق و اشركهم في اعمال خيرية لتربيتهم علي خلق الاسلام الصحيح . شكرا شيخ عمر انت فعلا نعم القدوة للولاد يكفي ان ابني مبيعرفش ينام الا علي قراءة قرآن بصوت الشيخ عمر

احنا كنا من اوائل الناس اللي ابتدت مع الشيخ عمر دروس دين عبر الانترنت للاولاد والحمد لله الشيخ عمر كان اكثر من ممتاز انه استطاع يخلي الاولاد يتعلموا اساسيات الاسلام رغم وجودنا بالغربة وطريقته بسيطة وسهلة وبتخلي الاولاد يستنوا الدرس كل اسبوع

الف شكر شيخ عمر على وجودك في حياة الولاد…حضرتك غيرت مفهوم الشيخ التقليدي تماماً…كفاية ثقة الولاد فيك و ان لما بيكون عندهم سؤال و متلغبطين في حاجة يلجئوا لك و بيبقوا متأكدين انك هتفهمهم و تستوعبهم و ترد عليهم الرد الصح …ربنا يارب يخليك ليهم و تفضل معاهم لغاية لما تاخدوا بإيد بعض لباب الجنة يارب 🤲🏻

ابني يحضر درس مع شيخ عمر منذ ٣ سنين. الدرس ممتع و مفيد جدا و أسلوب شيخ عمر في التعليم بسيط و يسهّل وصول المعلومة للأطفال. تعليم الإسلام متفرع و يتضمن السلوكيات و العبادات و قصص الأنبياء و سيرة الرسول صل الله عليه و سلم؛ بجانب تحفيظ و شرح القرآن. الأولاد دائما متفاعلون في الدرس و لهم مساحة للتعبير عن آراءهم بحرية ، و يختلفوا و يعرضوا الكثير من الأسئلة دون خجل، و ذلك يرجع لعلاقتهم الجميلة بالشيخ عمر وروحه و أسلوبه السلس مع الأطفال.

شيخ عمر عنده قدره كبيره في التواصل مع الاطفال والشباب. بيقدر يبسط المعلومه والتفسير لكل مرحله عمريه. اولادي في اعمار سنيه مختلفه وبيقدر يشرحلهم نفس القصص او الايات على حسب قدرة فهم كل واحد فيهم. وبيتواصل مع الاولاد بطرق مختلفه تحببهم فيه وفي اللي بالمعلومه ويعتبر اهل ثقه لهم انهم يكلموا لو احتاجوا يفهموا حاجه. اولادي بيحبوه جدا وبيعتبروه قدوه لهم.

شيخ عمر له فضل كبير في فهم ابني لقواعد و مفاهيم كثيره ليس فقط في تفسير القرآن بل كمان في العقيده و اخلاق المسلم السليمه كل الشكر و التقدير 🙏🏻

من اجمل الحاجات اللي حصلت لآدم هو ارتباطه الاسبوعي بدرس الشيخ عمر اتعلم فيه أساسيات دينه .. معاملاته الطيبة مع الناس ..كيفية الصلاة .. شنط رمضان والافطار .. شيخ عمر مركز فان الولاد تفهم معاني القرآن مش حفظ وبس .. وفى الاخر الاولاد وصلت لهم اهم message ان الدين معاملة وان الكلمة الطيبة صدقة ❤️ شكرا شيخ عمر 😊

احب اشكر حضرتك جدا يا شيخ عمر ، حضرتك قدرت فى خلال فترة قصيرة التقرب من الاولاد وأثرت فيهم بطريقة ايجابية جدا وجعلتهم على دراية بتعاليم دينهم بطريقة جميلة.جزاك الله كل خير على تعبك و مجهودك معاهم

اولادى الاتنين بقالهم اكتر من سنه بيخدوا دروس مع الشيخ عمر . ابنى كان بادئ ٧ سنين و الحقيقه فى الاول كان تايه و مش فاهم اوى بس بعد كذا مره لقيته منتبه و مندمج جدا و بيشارك و بيكون مبسوط جدا لما يفرج الشيخ مثلا رسمه و الشيخ يديله اهتمام و يقوله انها جميله. لقيه ييجي هو و اخته يقولولى يلا هنسبح و نستغفر كذا مره الشيخ عمر قالنا و بيجوا يحكولى قصص كتير. لما طفل من المجموعة كان مريض الشيخ شجع الأولاد يعملوله فيديو عشان يحسن حالته النفسية و يكون قلبهم على بعض.

انا والده حمزه صالح عنده ١١ سنه بقالوا حوالى سنه بيحضر دروس مع الشيخ عمر شلبي جزاه الله خير حسيت بفرق كبير فى ابنى بدء بحبه والتزامه فى حضور الدرس والإصرار على الحضور مع انه طفل مش بيحب يكون مقيد بحاجه.. وده بيدل على ان معاملة الشيخ عمر كان فيها تفاهم وتشجيع للاولاد وحببهم فى الدرس.. فرق مع ابنى جدا فى الصلاه وكان بقالى كذا سنة بحاول اخليه يلتزم الف حمد وشكر الموضوع اتغير خالص وبقى بيصلى بحب وهو من نفسه من غير ما انا اللى أفضل اللح عليه

وجود شيخ عمر ف فتره نضوج و مراهقه ابني اضاف ليه كتير جدا ماشاءالله عليه ، ف الوقت و الزمن ده من الصعب جدا الاولاد يكونوا مشدودين لدروس دين و لكن شيخ عمر عمل معاهم المعادله الصعبه من احترام ليه و صداقه معاه و عرض مواضيع من ارض الواقع هما محتاجين يفهموها و يتعلموها عن نفسهم و عن دينهم ده غير ان كل شهر ف معاد للفصل عن اي عظه و ليهم وقت مع بعض يلعبوا فيه كره قدم ، قدر يوصل بالسهل الممتنع لقلب و عقل كل واحد من الولاد انهم يعتبروه اخ كبير ليهم اللي كلامه ثقه و نصيحته ليهم واقعيه و مفيده

حقيقي انظف وافضل وارقي تعامل علي المستوي الشخصي والانساني والعملي (لانه وقف جنبنا كتير اوي اوي والله ربنا يباركله في رحلة علاج رحمة و حادثها وكان بيكثف الدعاء ويطلب من كل حبايبه ومعارفه الكتيييييييييييير ماشاء الله انهم يدعونها ويصلولها و مفوتش يوم ولا فرصة انه يكون جنبها ويدعمها معنويا ودينيا وايمانيا والله)، حقيقي افضل معلم وخير دليل ان البنات بينتظرو ميعاد الحلقة وبتكون بالنسبة لهم فسحة و وقت جميل مش عقاب…لاننا في فرنسا للاسف ملقناش ابدا ابدا مكان او حد يحببهم في الدين ويديهلهم بالشكل المبسط اللي بينمي اهم شغف و حب الدين..حقيقي فضله كبير وحظنا وفير لانهم احد تلامذته او اخواته…اما بقي علي المستوي العملي..فمافيش انظف ولا ارقي ولا اشطر من كدة…هو نجح في تحبيب ابنتي الصغيرة في الدين بعد ما كانت رافضة تحضر حصص بسبب التعنف اللي في المسجد اللي قريب مننا …هو قدر يبسط لها الدنيا و يحببها في الدين وهي بتنتظر الحلقة بشغف وسعادة…فبصراحة مافيش افضل منه عن خبرة